Kerala Flora: December 2021

മലയാളം പേര്: ശലഭപ്രിയ
Common name: Yellow-Vein Eranthemum, Golden Pseuderanthemum
Botanical name: Pseuderanthemum maculatum
Synonyms: Eranthemum reticulatum, Eranthemum versicolor, Pseuderanthemum reticulatum
Family: Acanthaceae (Acanthus family) അകാന്തസ്

Location: Thumboor, Thrissur

മനോഹരമായ മഞ്ഞയും പച്ചയും കലർന്ന ഒരു നിത്യഹരിത കുറ്റിച്ചെടി. ഉഷ്ണമേഖലാ പ്രദേശങ്ങളിലെ മണൽ അധികം ഇല്ലാത്ത നീർവാർച്ചയുള്ള-യിടങ്ങളിലെ അല്പം നനവുള്ള മണ്ണിൽ ഇവയ്ക്കു പിടിച്ചു നിൽക്കാൻ ബുദ്ധിമുട്ടില്ല. ഇതിന്റെ സ്വദേശം ന്യൂഗിനിയയാണെന്നു കരുതപ്പെടുന്നു. എങ്കിലും ഇപ്പോൾ തെക്കുകിഴക്കൻ ഏഷ്യയിൽ ഇവ വ്യാപകമായി വളരുന്നുണ്ട്. നല്ല വെയിലുള്ള കാലങ്ങളിൽ ഇലകൾ ഏതാണ്ട് പൂർണ്ണമായും മനോഹരമായ മഞ്ഞനിറമായി മാറുന്നു. മഴക്കാലം കഴിയുന്നതിനു കുറച്ചു മുൻപായി കമ്പുകൾ വെട്ടിയൊതുക്കുകയാണെങ്കിൽ ധാരാളം പൂങ്കുലകൾ ഉണ്ടാകും. വെള്ള പൂക്കളുടെ ഉള്ളിൽ പിങ്ക് നിറം കലർന്നിരിക്കും. ഇവയുടെ പൂക്കൾ ചിത്രശലഭങ്ങളെ നന്നായി ആകർഷിക്കുന്നവയാണ്. ചിത്രശലഭങ്ങൾ മാത്രമല്ല തേനീച്ചകൾക്കും, നീലവളയൻ തേൻവണ്ടുകൾക്കും, തേൻകുരുവികൾക്കും, ഹമ്മിങ് ബേഡ് ഹോക്ക് നിശാശലഭങ്ങൾക്കും ഇവയുടെ പുഷ്പങ്ങൾ ഏറെ പ്രിയപ്പെട്ടതാണ്. മഴക്കാലത്ത് മറ്റു പൂക്കൾക്ക് ക്ഷാമമുള്ള സമയങ്ങളിൽ ചിത്രശലഭങ്ങൾ ഈ പൂക്കളെ ഒരുപാട് ആശ്രയിക്കാറുണ്ട്. അതുകൊണ്ടു തന്നെയാണ് ഇതിന് ശലഭപ്രിയ എന്ന പേരിട്ടതും. എന്റെ വീട്ടിൽ നട്ടുപിടിപ്പിച്ചിട്ടുള്ള ഏതാനും ചെടികളിൽ നിന്നുമായി നാൽപ്പത്തിയഞ്ചിലധികം ഇനം ശലഭങ്ങളെ കണ്ടെത്താനും ചിത്രമെടുക്കാനും എനിക്ക് കഴിഞ്ഞിട്ടുണ്ട്. അവയിൽ നിന്നും കുറെ ചിത്രങ്ങൾ പങ്കു വയ്ക്കുന്നു.